www.mlspp.gov.az
Azərbaycanca   English 23.04.2018 - cı il
Xəbər lenti

Gələn ay Bakıda “Dayanıqlı İnkişaf Məqsədlərinə doğru, davamlı inkişafın və layiqli əməyin təbliği” mövzusunda Beynəlxalq Konfrans keçiriləcək                    Azərbaycan Prezidenti cənab İlham Əliyevin əmək pensiyalarının indeksləşdirilərək artırılması barədə Sərəncamı pensiyaçıların 94 faizinə şamil olunacaq

İctimaiyyətlə əlaqələr / Xəbərlər
07.02.2018

Əmək və Əhalinin Sosial Müdafiəsi Nazirliyində BMT-nin Uşaq Fondunun nümayəndələri ilə görüş olub

Azərbaycan Respublikasının Əmək və Əhalinin Sosial Müdafiəsi Nazirliyində ölkəmizdə səfərdə olan BMT-nin Uşaq Fondunun (UNİCEF) erkən uşaqlıq dövrünün inkişafı üzrə müşaviri xanım Deepa Grover və inkluziv təhsil üzrə mütəxəssisi xanım Nora Şabani ilə görüş olub.
Görüşdə əmək və əhalinin sosial müdafiəsi nazirinin müavini Natiq Məmmədov Nazirliyin fəaliyyət istiqamətləri və ayrı-ayrı ölkələrin müvafiq qurumları, habelə mötəbər beynəlxalq təşkilatlarla əməkdaşlıq əlaqələri barədə məlumat verib. Ötən dövrdə Nazirliklə UNİCEF arasında uğurlu əməkdaşlıq təcrübəsinin formalaşdığını qeyd edən N.Məmmədov 2014-2015-ci illəri əhatə edən Fəaliyyət Planı çərçivəsində görülən birgə işlərin uşaqlarla bağlı sosial xidmətlər sisteminin təkmilləşdirilməsində əhəmiyyətini vurğulayıb. O bildirib ki, Əmək və Əhalinin Sosial Müdafiəsi Nazirliyi və UNİCEF arasında 2016-2020-ci illərə dair Əməkdaşlıq Proqramı çərçivəsində imzalanan “2016-2017-ci illər üçün Uşaq Müdafiəsi və Sosial Müdafiəyə dair Dövri Fəaliyyət Planı” da uşaqlarla bağlı sosial xidmətlər sisteminin qabaqcıl dünya təcrübəsinə uyğunlaşdırılması üçün vacib istiqamətləri özündə əhatə edib. UNİCEF-in təklif və tövsiyələri əsasında Nazirlik tərəfindən sosial xidmətlərin inkişafına dair Konsepsiya hazırlanıb.
Nazir müavini icra olunan sosial xidmət layihələrinin və bu layihələr çərçivəsində reabilitasiya yönümlü sosial xidmətlərlə təmin edilən şəxslərin, o cümlədən uşaqların sayının ildən-ilə artdığını qeyd edib. Sağlamlıq imkanları məhdud uşaqların və gənclərin inkluziv təhsil imkanlarına malik olmaları üçün ölkəmizdə həyata keçirilən fəal dövlət siyasəti, həmçinin bu istiqamətdə Heydər Əliyev Fondunun həyata keçirdiyi layihələr barədə məlumat verilib. Bu təbəqədən olan şəxslərin təhsildən ayrılmadan reabilitasiya tədbirlərinə cəlb edilmələri, inkluziv təhsilin əhatə dairəsinin genişləndirilməsi sahəsində aparılan işlər də diqqətə çatdırılıb.
D.Grover və N.Şabani Azərbaycanda sağlamlıq imkanları məhdud uşaqların və sosial təhlükəli vəziyyətdə olan yetkinlik yaşına çatmayanların reabilitasiya yönümlü sosial xidmətlərlə təminatı, habelə inkluziv təhsil imkanlarının genişləndirilməsi istiqamətində aparılan işləri yüksək dəyərləndiriblər.
Cari ilin mart ayında UNİCEF tərəfindən ölkəmizdə həyata keçirilən 2016-2020-ci illər üzrə ölkə Proqramının aralıq qiymətləndirilməsinin həyata keçiriləcəyi bildirilib. Həmçinin bu prosesdə nazirlik tərəfindən milli konteksdə həyata keçirilən yeniliklərin, o cümlədən iqtisadi-sosial inkişaf prioritetlərinə və davamlı inkişaf məqsədlərinə dair öhdəliklərin, UNİCEF-in 2018-2020-ci illər üzrə Strateji Planının da müzakirə ediləcəyi diqqətə çatdırılıb.
Görüşdə UNİCEF-in Azərbaycanla bağlı 2016-2020-ci illəri əhatə edən ölkə Proqramının icrası sahəsində ötən dövrdə görülən işlərə dair fikir mübadiləsi aparılıb.
Videoarxiv
Fotoarxiv
Əmək və Əhalinin Sosial Müdafiəsi Nazirliyi regionlarda

© 2011. Azərbaycan Respublikası Əmək və Əhalinin Sosial Müdafiəsi Nazirliyinin rəsmi internet informasiya resursu.
Müəllif hüquqları qorunur.