www.mlspp.gov.az
Azərbaycanca   English 25.09.2018 - cı il
Xəbər lenti

ƏƏSMN-nin sifarişi ilə 21 rayon və şəhərdə icma əsaslı sosial reabilitasiya mərkəzləri fəaliyyət göstərir                   Fərdi uçot sistemində qeydiyyata alınan əcnəbilərin sayı 45 539 nəfərdir

İctimaiyyətlə əlaqələr / Press-Relizlər
06.07.2018

Son bir ayda Əmək və Əhalinin Sosial Müdafiəsi Nazirliyinin e-xidmətlərinə 664 min dəfədən çox müraciət qeydə alınıb

Cari ilin iyun ayında Əmək və Əhalinin Sosial Müdafiəsi Nazirliyinin elektron xidmətlərinə 664 031 dəfə müraciət olunub ki, bu da  ötən ay “Elektron hökumət” portalına ümumi müraciətlərin 35,4 faizini təşkil edir.
Nazirliyin “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi”  “E-hökumət” portalında ən çox istifadə olunan e-xidmətlərdəndir. Əmək müqaviləsinin bağlanması və ya ona dəyişiklik edilməsi, yaxud xitam verilməsi barədə bildirişlərin elektron informasiya sistemində qeydiyyatdan keçirilərək rəsmiləşdirilməsi üçün fəaliyyət göstərən bu e-xidmətə təkcə son bir ayda  317642 dəfə müraciət edilib.
Həmçinin iyun ayında nazirliyin “İş yerinə dair arayış” e-xidmətindən 49126 dəfə, “Tibbi-Sosial Ekspert Komissiyalarında aparılmış sonuncu müayinəyə dair məlumatın verilməsi” e-xidmətindən 34618 dəfə, “Əmək müqaviləsi bildirişləri barədə məlumatların işçilər tərəfindən əldə edilməsi” e-xidmətindən 31426 dəfə və s. istifadə edilib. Həmin e-xidmətlərlə yanaşı, “Əmək qabiliyyətinin müvəqqəti itirilməsinə görə müavinətlə bağlı haqq-hesab cədvəlinin təqdim edilməsi” (24542 müraciət), “Sığortaolunanlara məlumatların verilməsi” (20904 müraciət), “Pensiya kalkulyatoru” (19528 müraciət) və digər e-xidmətlərinə də ictimai maraq artmaqdadır.
Ümumilikdə Əmək və Əhalinin Sosial Müdafiəsi Nazirliyinin 28 e-xidməti “E-Hökumət” portalı vasitəsilə əhalinin istifadəsindədir və bu e-xidmətlər  nazirliyin fəaliyyət sahələri üzrə dövlət xidmətlərinin vətəndaşlara müasir əsaslar üzərində, məmur-vətəndaş təması olmadan şəffaf şəkildə təqdim olunmasına və əhalinin aidiyyəti qruplarına əlçatanlığının təmin edilməsinə  imkan yaradır.

Videoarxiv
Fotoarxiv
Əmək və Əhalinin Sosial Müdafiəsi Nazirliyi regionlarda

© 2011. Azərbaycan Respublikası Əmək və Əhalinin Sosial Müdafiəsi Nazirliyinin rəsmi internet informasiya resursu.
Müəllif hüquqları qorunur.