www.mlspp.gov.az
Azərbaycanca   English 21.04.2018 - cı il
Xəbər lenti

Gələn ay Bakıda “Dayanıqlı İnkişaf Məqsədlərinə doğru, davamlı inkişafın və layiqli əməyin təbliği” mövzusunda Beynəlxalq Konfrans keçiriləcək                    Azərbaycan Prezidenti cənab İlham Əliyevin əmək pensiyalarının indeksləşdirilərək artırılması barədə Sərəncamı pensiyaçıların 94 faizinə şamil olunacaq

İctimaiyyətlə əlaqələr / Press-Relizlər
05.01.2018

Əmək və Əhalinin Sosial Müdafiəsi Nazirliyinin “Çağrı mərkəzləri” tərəfindən ötən il 151,9 minə yaxın müraciət cavablandırılıb

Azərbaycan Respublikasının Əmək və Əhalinin Sosial Müdafiəsi Nazirliyinin 142 və 190 - “Çağrı mərkəzləri” tərəfindən son bir ayda - ötən ilin dekabr ayında 17 362 müraciətin cavablandırılması təmin olunub.
Müraciətlər sosial təminat, əlilliyin müəyyən edilməsi və tibbi-sosial reabilitasiya, məşğulluğun təminatı, əmək qanunvericiliyinə əməl olunması, sığorta-pensiya sistemi, bu sahələr üzrə elektron xidmətlərdən istifadə və s. məsələləri əhatə edib. “Çağrı mərkəzləri”nə daxil olan hər bir müraciətin operativ şəkildə cavablandırılması təmin olunub. Ümumi müraciətlərin 96,4 faizini qeyd olunan məsələlərə dair sorğu xarakterli müraciətlər təşkil edib. Bu sorğularla əlaqədar nazirliyin mütəxəssisləri tərəfindən vətəndaşlara aidiyyəti qanunvericilik aktlarına istinad olunmaqla aydın şəkildə izahatlar verilib. Digər müraciətlərdə ifadə olunan məsələlər isə nazirliyin aidiyyəti struktur bölmələrində araşdırılaraq müvafiq tədbirlər görülüb və nəticəsi barədə vətəndaşlara məlumat verilib.
Hər iki “Çağrı mərkəzi”nin fəaliyyətinin təkmilləşdirilməsi, onların əhaliyə xidmət funksiyalarının genişləndirilməsi üçün son illərdə elektron texnologiyaların tətbiqi şəraitində məqsədyönlü işlər görülüb. Belə ki, hazırda əlillik müayinəsinin nəticəsi, habelə ünvanlı dövlət sosial yardımının alınması üçün edilmiş müraciətə baxılmasının cari vəziyyəti barədə 142 - “Çağrı mərkəzi” vasitəsilə də məlumat əldə etmək mümkündür. Həmçinin 190 -“Çağrı mərkəzi” vasitəsi ilə avtomatlaşdırılmış qaydada pensiya təyinatının aparılmasına imkan yaradılıb.
Ümumilikdə son bir ildə Əmək və Əhalinin Sosial Müdafiəsi Nazirliyinin 142 və 190 - “Çağrı mərkəzləri” tərəfindən 151,9 minə yaxın müraciət cavablandırılıb.
Videoarxiv
Fotoarxiv
Əmək və Əhalinin Sosial Müdafiəsi Nazirliyi regionlarda

© 2011. Azərbaycan Respublikası Əmək və Əhalinin Sosial Müdafiəsi Nazirliyinin rəsmi internet informasiya resursu.
Müəllif hüquqları qorunur.